Tá Coimisiún Forbartha an Iarthair (WDC) ar bís a fhógairt go mbeidh Moving West ar ais agus é ina thríú séasúr anois. Craolfar Contae Shligigh ar an gclár ar 12 Samhain ag 7:30in ar TG4.

Léirithe ag Dundara Television & Media i gcomhar leis an WDC agus Comhairle Contae Shligigh, agus á óstáil ag an láithreoir teilifíse Mary Kennedy, leanann Moving West ar aghaidh ag iniúchadh stíl mhaireachtála bríomhar agus tírdhreacha iontacha Iarthar agus Iarthuaisceart na hÉireann. Roinneann an tsraith scéalta spreagthacha daoine aonair agus teaghlaigh a d’aistrigh go dtí na réigiúin seo, ag glacadh le slí beatha nua.

Sa chlár i Sligeach, buailfidh an lucht féachana le Gordon Fortier agus a pháirtí Ivana Hanjs, a d’aistrigh ó Lethbridge, Alberta, Ceanada, agus an Chróit faoi seach, go Baile Shligigh. Ghlac Gordon le deis oibre spreagúil ag Electrical & Automation Systems, comhlacht atá lonnaithe i gCúil Aodha. Dóibh siúd, ceann de na gnéithe is fearr de bheith i do chónaí i Sligeach ná a chóngaracht don dúlra, le siúlóidí rialta faoi scáth Bheinn Bhulbain agus suas Cnoc na Riabhach, agus laethanta a chaitear ar thránna an tSrutha agus an Leathros.  

Scéal iontach eile is ea ceann Karen Kearney, a d’aistrigh go Sligeach lena mac Tristan. Chuir Karen tús lena gnó féin, SOAK Bath Salts, agus fuair sí amach go ndeachaigh an t-aistriú chun sochair Tristan chomh maith, a bhfuil riachtanais bhreise aige. Bhí Tristan in ann teacht ar theiripe surfála, rud a chabhraigh go mór leis strus agus imní a bhainistiú. Cuireann Karen i bhfios go láidir go bhfuil feabhas mór tagtha ar a folláine agus a caighdeán beatha nuair a bhog sí chuig an Iarthar.

Leanann an clár freisin Brendan Doddy, as Sligeach ó dhúchas, a d’fhill abhaile tar éis dó tamall a chaitheamh ag obair thar lear. Bhog Brendan go dtí an Ísiltír tar éis dó an coláiste a chríochnú agus ina dhiaidh sin d'oibrigh sé ag Intel i Léim an Bhradáin, Co. Chill Dara. Faoi dheireadh, rinne Brendan a bhealach ar ais go Sligeach, áit a bhfuair sé gairm bheatha shásúil ag Abbott Diagnostics. Leagann a scéal béim ar an tarraingt a bhaineann le filleadh ar an Iarthuaisceart, áit a bhfuil rath gairmiúil agus stíl mhaireachtála uathúil Sligeach á thairiscint aige anois.

Roinneann an craoltóir spóirt aitheanta Micheál Ó Domhnaill a thaithí athlonnaithe freisin. As Port Láirge ó dhúchas, bhog Micheal go Sligeach lena theaghlach breis is 20 bliain ó shin. Arna spreagadh ag áilleacht nádúrtha an réigiúin agus ag aithint bearna sa mhargadh, sheol sé gnó táirgeachta físeáin corparáideach. Le himeacht ama, d’fhás an gnó le hábhar craolta a léirifear go rialta ar RTÉ agus TG4 a tháirgeadh.

Ar deireadh, buailfidh an lucht féachana le Gearoid Conway agus Elizabeth Farrell, a d’aistrigh ó Bhaile Átha Cliath go Sligeach i samhradh na bliana 2020. Luaigh Elizabeth, a bhfuil cuimhní maith aici ar thurais a óige go Trá an Leathrois, an smaoineamh go n-athlonnófaí siad, agus go luath ina dhiaidh sin, bhí siad ina gcónaí i dteachín in aice le Droim Chliabh. Oibríonn Gearoid go cianda anois do chomhlacht Astrálach, agus é lonnaithe sa Building Block, ceann de go leor moil chomhoibrithe sa réigiún a sholáthraíonn réitigh oifige solúbtha d’oibrithe chianda.

Ag trácht dó ar urraíocht Chomhairle Chontae Shligigh ar an chlár seo den tsraith, dúirt an Príomhfheidhmeannach Martin Lydon go raibh sé tábhachtach go dtacódh an Chomhairle le clár a thaispeánann tréithe uathúla an chontae.

“Tá infheistíocht leanúnach i mbonneagar, i dtithíocht agus in áiseanna áineasa ag cur Sligeach chun cinn mar áit iontach chun cónaí ann agus cuairt a thabhairt air. Toisc go bhfuil cuideachtaí ilnáisiúnta i láthair chomh maith le go leor moil cianoibre tá Sligeach ina rogha inmharthana do dhaoine gairmiúla ar mian leo theacht ar luas níos moille sa saol. Cruthaíonn ár láithreacht ar Shlí an Atlantaigh Fhiáin agus ár n-iliomad áiseanna amuigh faoin aer i dtírdhreach gan mhilleadh cothromaíocht tharraingteach idir saol oibre agus saol phearsanta.” 

Thug an tUasal Lydon suntas freisin do inacmhainneacht an chontae, nascacht iompair le cathracha níos mó agus tairiscintí cultúrtha mar chúiseanna a roghnaíonn daoine agus gnólachtaí a mbaile a dhéanamh i Sligeach

Dúirt Allan Mulrooney, Príomhfheidhmeannach Coimisiún Forbartha an Iarthair: 
"Is páirt bhríomhar d’Iarthuaisceart agus d’Iarthar na hÉireann é Sligeach, ag tairiscint ní hamháin áilleacht nádúrtha dochreidte ach freisin atmaisféar rathúil gnó agus pobail. Soláthraíonn Séasúr a Trí de Moving West ardán chun scéalta spreagthacha na ndaoine a roghnaigh Sligeach mar bhaile, a gcuid scéalta a roinnt, agus táimid bródúil as tacú le fás agus forbairt leanúnach an réigiúin seo." 

Dúirt Mary Kennedy, láithreoir Moving West: 
"Is cúis áthais i gcónaí é filleadh ar Shligeach agus scéalta iontacha na ndaoine a rinne á mbailte san pháirt iontach seo d’Éirinn a chloisteáil ina dteach cónaithe.  Déanann tírdhreacha áille Shligigh, meoin pobail agus atmaisféar fáiltiúil, áit uathúil de Shligeach agus tá áthas orainn na scéalta seo a roinnt lenár lucht éisteachta." 

Le tuilleadh eolais a fháil, tabhair cuairt ar westerndevelopment.ie nó féach ar TG4 le haghaidh tuilleadh sonraí faoin tsraith. Tá Mary Kennedy agus na rannpháirtithe ar fáil le haghaidh agallaimh. Déan teagmháil le do thoil le Ciara Jordan, Ceannaire Cumarsáide, WDC, ag ciarajordan@wdc.ie nó ar an bhfón ag 087 491 1309.